Në roje të atdheut jam,
Në syrin tim s’ka gjumë.
I ruaj dhe fijet e barit
Se atdheun e dua shumë.
(Një strofë nga poezia e vitit 1978,ku u bë këngë për
festivalin televiziv të Prishtinës në “Kënga revolucionare”)

The post Në roje të atdheut – Në syrin tim s’ka gjumë. appeared first on Sylejman Qyqalla.

Ti më thua:”Sa shumë,mor xhan,paske pirë!”
-Të betohem,moj zemër-s’kam pirë asnjë fyt!
Të gjithë “kuajt” e azdisur seç këputën zinxhirë…
Më dehën buzët e tua,moj zemër-mjalti yt!

The post Buzët – Ti më thua:”Sa shumë, mor xhan,paske pirë!” -Të betohem, moj zemër-s’kam pirë asnjë fyt! appeared first on Sylejman Qyqalla.

O,ç’na u ngriten si bishat,ca zagarë
Moj Kosovë e mjerë,të ta bëjnë qefinin.
Na u ngjallën Zogu me ca pashallarë
Të rivrasin Gurakuqin,Avniun dhe Naimin!

O,ç’na u ngrit një mjegull dhe errëson qiellin
Një kolerë e vjetër të të rivrasë,Shqipëri!
Të ndajnë gjahun,copa-copa të ta bëjnë diellin…
As qeni dot të mos e njohë,të zotin e tij!

O,ç’na u ngritën një karvan me bujë
Ty,Kosovë,të të bëjnë robinë të vjetër!
Në shtëpinë tënde,të rrish si e huaj…
Të ta qepin fustanin,u bënë ca mjeshtër!

O,ç’u çuan në këmbë,moj nënë,ca dinazaurë
Me flakë të të djegin,e mjerë-Kosova ime!
Dhe hiri të të tretet e të të mos gjendet kurrë…
Qan Hëna,qajnë yjet- vetë Dielli i zemrës sime!

O,ç’u ngritën ca ushujza të ta pinë gjakun
Të të shuajnë nishan,gjuhë e flamur!
Zgjohu,o popull-godit bre-e merr hakun
Gjilpëren tënde-dreqit mos ia lër kurrë!

The post Zgjohu, o popull – O, ç’na u ngriten si bishat, ca zagarë Moj Kosovë e mjerë,të ta bëjnë qefinin. Na u ngjallën Zogu me ca pashallarë Të rivrasin Gurakuqin,Avniun dhe Naimin! appeared first on Sylejman Qyqalla.

Të akuzoj rënd,moj botë hileqare
Po me cilin nen,as vetë s’e di!
Me këtë teatër,që njeriun e çmende fare
Për dhelpërinë tënde,për prokopi!

Shpif e sajon përditë “fizkulturë”
Me teatrot e tua,me skenarët-hije.
Me lodrat përditë bën “pikturë”
Njeriun bën robot,me tela fije-fije!

Të akuzoj,moj botë,në gjyqin e Demokleut
Me cilin paragraf,as vetë s’po e di!
Kot përpiqesh parfum t’i hedhësh plehut
Kah mustaqet,s’më kalon dot një mi!

Ta jap dorën,botë,e ke një trupë-qerrata
Gazin e bën gjëmë e gjëmën-gaz!
Ndërsa turmë e shkretë verbërisht:”Urra!”
Me gojën helm-me kunjin nga pas!

The post Të akuzoj,moj botë – Të akuzoj rënd,moj botë hileqare. Po me cilin nen,as vetë s’e di! Me këtë teatër,që njeriun e çmende fare. Për dhelpërinë tënde,për prokopi! appeared first on Sylejman Qyqalla.

Pse,zemër,s’u bëre verë

të të pija unë në çdo çast?

Pse më ikën lehtë,si një erë

e s’më merr me vete,posi trastë?

Pse,moj zemër,s’u bëre diell,

të më ngohësh dhe kur s’je pranë?

Kam të ftohtë,moj luleverë…

i pavarkë në detin e paanë!

Pse,moj zemër,m’u bëre këngë

e më mbete e freskët në buzë?

Pse s’u bëre e ashpër “zënkë”

e në gjoks m’u bëre muzë?

Pse,moj zemër,m’u bëre hije

e s’të marr dot përballë?

Në duar dua të hollat- tuat ije,

buzë e faqe…të gjerin ballë.

The post Pse – (Pse,zemër,s’u bëre verë të të pija unë në çdo çast? Pse më ikën lehtë,si një erë e s’më merr me vete,posi trastë? – Sylejman Qyqalla appeared first on Sylejman Qyqalla.

(Vëllait tim,Nuhiut,që vdiq më 11 mars 2010)

Pyeta për ty… për vitet,o Nuhi djali
Pyeta,vëlla,se ku mbete…shumë për ty.
Më thanë:”Shkoi ca te Adem Jashari…
Aty,ku gjaku bëhet lule e këngë për Shqipni!”

Pyeta e pyeta…kaq vite…ku të zuri nata
Apo mbete me shokët… diku,në kuvend?
A mos u lodhe shumë nëpër demonstrata
Kosova të mos ikën as të mos mbetet peng?

Ç’deshi ajo lubi,që të lodhi e s’të mundi dot
Pandehu se u shove e mbi tokë ra kolera?
Ti për mua,ishe vigan e një lis mbete dhe sot…
Pas zërit tënd njerëzor-gjithnjë vjen pranvera!

U tunde nëpër vite-krah i fortë mua m’u bëre
“Çaj,vëlla,përpara!Do ta bojmë Shqipninë!”
Po,ç’pate,vëlla?Fort bre më godite kësaj here
Ç’deshi te ti vdekja?I le “Lahutën” e “Avninë”!

Pyeta për ty…a mos jam në ëndërr unë?Mundet…
Të gjithë më thonë:”Shkoi për ndejë te Adem Jashari”!
Atje,ku zjarri s’shuhet dot e Gjuha Shqipe s’tundet
Atje,ku shqiponja ka folenë e flet me zë shqiptari!

Sylejman Qyqalla

The post Te Adem Jashari – Sylejman Qyqalla appeared first on Sylejman Qyqalla.

E desha unë Shqipërinë pa rrëmujë-
-të mos qepim me gjilpërë të huaj.

Desha,bre,një Shqipëri ndryshe;
ju strucër,n’daçi,më quani “idealist”!
Kurrë kombin s’e desha në dyshe;
herë “të majtë”,”mes” e herë “djathtist”!

Desha,bre, tërësisht një Kosovë ndryshe;
s’e desha si tash,hibrid,me dhjetra parti!
Desha gaz të kenë fëmijët,si dallëndyshe,
ku ëndrrat,si nga hasmi-iu dogjën përsëri!

E desha kombin ta kem një trup-një shtëpi,
me një prijës,ku fjala e besa kanë kandar.
Kudo në botë të shkoj:”Jam unë,Shqipëri!”
dhe jo si sot qeraxhi,me ballin ulur e të vrarë!

E desha kombin,ku sisë na jep vetëm nëna,
jo si tash,kur njerka për ne e bën gjellën!
Të zbresë Zeusi,Afrodita e të zbresë dhe Hëna,
jo si tash,kur ca kopila-na e përzien pjellën!

E desha kombin…Olimb -dhe mbi perëndinë…
kur qiell e tokë dikur flisnin SHQIP.

The post E desha kombin – E desha unë Shqipërinë pa rrëmujë- -të mos qepim me gjilpërë të huaj. appeared first on Sylejman Qyqalla.

(Heroinë Ylfetes e heroit Mentor Humolli)
Atë ditë e tërë fusha,mbushur tym e mjegull,
Ylfetja thërriste:”O vëllazën,o sot o kurrë!”
I tërë populli,si një grusht-me gjoks zjarr e hekur:
“Prina përpara,vëlla Mentor-me flamur!”

Atë ditë tym e mjegull-Ylfetja çau rrethimin:
“S’bëhet jotja toka ime,moj Serbi!”
Dhe tanksat dridheshin,Mentori kall trishtimin:
“O shka-je në Llap-këtu i thonë Shqipni!”

“Unë,po iki,Vëlla Mentor-ke dhe më për të bërë;
hiq çdo gur që na ndan-shpërthe.vëlla,kufirin!”
Ta jap besën,moj motër Yll-do t’i heq të tërë…
armikut të egër-këtu në Lupç-do t’ia bëj qefinin!!”

The post Atë ditë – (Heroinë Ylfetes e heroit Mentor Humolli) appeared first on Sylejman Qyqalla.

-lufta e pasluftës-për këtë është leku;
nga ky pis-po t’bëhet hendeku!
Zgjohu,o i mjerë-godit Toptanin;
në emër “demokracie”-po ta gërryen vatanin!

Në njërën faqe t’lëmon-trupin copa-copa,
godit Toptanin,o të mbuloi gropa!
Nxirre,moj tokë-as gjenazen mos ia lër;
këtij pisi,o popull-mos i bëj më nder!

Të shiti Toptani me gjithë tokë e ty;
trupin në Kosovë-zemrën në Serbi!
Zgjohu,more popull,nga gjumi dimëror;
mos ia lër kartat-ti vetë e ke në dorë!

Moj Shqipni
Zgjohu,moj Shqipni-e Kosovës NANË,
sërish mbi shpinë për së gjalli të hanë!
Të janë hedhur sërish “për inat t’partisë”
dhe të nëntëdhjetat gjëmën i bënë Shqipnisë!

The post Moj Kosovë – Lufta e pasluftës-për këtë është leku; nga ky pis-po t’bëhet hendeku! Zgjohu,o i mjerë-godit Toptanin; në emër “demokracie”-po ta gërryen vatanin! appeared first on Sylejman Qyqalla.

Kurrë dashurinë s’e desha me silikon,
të bjerrur me:”Të më dojë bota”-për sy.
E dua,ku jeta natyrshëm puthet e frymon:
“Më duaj,zemër,se dhe unë të dua ty!”

Kurrë dashurinë s’e desha me prozhektorë,
për ca duartrokitje fallso për modën-bulevard.
E dua,ku jetën-edhe në stuhi-ta kemi në dorë;
dhe nga balta të nxjerrim buzëqeshje të zjarrtë.

Kurrë dashurinë s’e desha të maskuar,
ku fshihen të palarat,me dekor-si lodër.

The post Dashurinë – Kurrë dashurinë s’e desha me silikon, të bjerrur me:”Të më dojë bota”-për sy. E dua,ku jeta natyrshëm puthet e frymon: “Më duaj,zemër,se dhe unë të dua ty!” appeared first on Sylejman Qyqalla.