Përkundmë,kitarë,përkundmë,
më ledhato flokun,dalëngadalë!
Tërë lodhjen e jetës shkundmë…
më kthe në moshën,kur isha djalë!

Përkundmë,kitarë-përkundmë,si në djep,
me melodi malli-me dritën e hënës!
Përkundmë,sikur kam sonte ndonjë sebep…
t’i zgjoj muzat qeshur- me telat e zemrës!

Përkundmë,kitarë…përkundmë…

The post Përkundmë appeared first on Sylejman Qyqalla.

Teksti:

Më ndje,im atë,për sot…zemra më çahet,
siç m’u ça,o shok,si atë ditë kur më ike ti!
Gazi e fjala në buzë,fort sot po më thahet,
ndaj s’kam forcë as të thur vargje për ty!

Më ndje,im atë,për sot…s’ngrita dot flamur;
nuk më bën dora sot as të shkruaj elegji!
Ky Nëntor na mbushi hidhërim e pluhur…
qan e mjera jonë-rënkon fort “Nana Shqipni”!

Më ndje,im atë Ramiz,për këtë Nëntor…
s’e ngrita,si atëherë me ty-flamurin mbi çati!
Na goditi fort edhe më e zezë një dorë…
por jemi-siç thoshe:”T’gjithë shqiptarët-Shqipni”!

Më ndje,im atë!Të betohem në t’shenjtin flamur:
Kurrë-si dhe ti-s’heqim dorë nga Nana Shqipni!
“Shqipni”-thoshe,-“osht çdo plis e lis e çdo gur…”
Më ndje,nëse qaj…siç qava dhe kur më ike ti!

The post T’gjithë shqiptarët janë Shqipni appeared first on Sylejman Qyqalla.

Po, Bardh,për ty do mbaj çdo djersë e çdo barrë,
gojënepërkave,për ty gjuhën helm do t’ua pres.
Ti më ngrite në këmbë dhe kurrë s’më le zvarrë;
s’duroj kë me hile të ta çajë diellin tënd në mes.

Për ty,Bardh,i bukuri i Toplicës,me nofkën “muhaxhir”
,ëndrrat i kam me kroje,me fusha,me të bardhin plis.
Vura mburojen përballë-mish i huaj të mos bëjë sehir;
të përzunë nga Naisusi po prapë mbete i pellazgut fis!

Për ty,Bardh,me baltën tënde prore do të thur vargje;
(S’më duhet gjë ngjyra as penë, me t’botës stoli!)
Të të lidh me Nanë Shqipni-bëra urë me shumë harqe;
dorën e ngrohtë të nënës,Bardh-e gjeta veç te ti.

Për ty,Bardh…ah,sa shumë kam për të thënë…
nuk të shoh si njerkë-të shoh veç si nënë!

The post Për ty Bardh appeared first on Sylejman Qyqalla.